Youtube Social
ერეკლე არის 1 წლის და 7 თვის ძალიან მებრძოლი ბიჭი! ამჟამდ ის იმყოფება სტამბულში, აჯიბადემის კლინიკის რეანიმაციაში და გადის ხანგრძლივი მკურნალობის კურს მრავალი განხრით.

ერეკლე დაბადებიდან პრობლემური ბავშვია და დიდი ფინანსური რესურსი სჭირდება.
მას აქვს მოკლე ნაწლავის სინდრომი, სულ 20 სმ ნაწლავი ორგანიზმში. რაც ნიშნავს რომ არ შეუძლია ჩვეულებრივი საკვების მიღება, გადამუშავება და ამიტომ "იკვებება" ვენიდან, გადასხმების მეშვეობით. ერეკლეს უდგას 1-2 წლიანი კათეტერი და ყოველ ღამე 15 საათის განმავლობაში არის ჩართული გადასხმებზე.
ვენური კვების წამლები და სამედიცინო სტერილური ნივთები თვეში 4,000$ ჯდება. ერეკლეს ეს გადასხმები 18 წლამდე დასჭირდება, მაგრამ არა ყოველ დღე. ეს უკვე მთლიანად მასზეა დამოკიდებული, ორგანიზმმა უნდა შეითვისოს საკვები და შეირგოს. თუმცა ამისათვის ერეკლეს სჭირდება ნაწლავის დაგრძელების STEP ოპერაცია, რაც ხელს შეუწყობს საკვების ორგანმში გაჩერებას და შეწოვას.

რა თქმა უნდა მოკლე ნაწლავის სინდრომს აქვს თავისი გვერდითი გართულებები: ღვიძლის მუდმივი დატვირთვა, წონის, ზრდის, განვითარების ჩამორჩენა, ოსტეოპოროზი და ..
სამწუხაროდ ერეკლეს ოსტეოპოროზი რახიტში გადაეზარდა. მისი ძვლები არის გამოფიტული და ადვილად მტვრევადი. ერეკლეს ორგანიზმს არ შეუძლია ვენიდან მიღებული გადასხმის ისე ათვისება, რომ ძვალი მოამარაგოს. შესაბამისად ბავშვმა ნელნელა შეწყვიტა მოძრაობა, აღარც ბრუნდება, აღარც ტრიალედება, სტკივა და წუხს ყოველი ხელის შეზებაზე, ტანსაცმლის გამოცვლაზე...

ერეკლე ნაწლავის ოპერაციისთვის ემზადებოდა, როდესაც რამდენიმე თვიანი მოურჩენელი ხველების შედეგად, სუნთქვის უკმარისობით რეანიმაციაში აღმოჩნდა. შედეგად მას დაემატა ახალი დიაგნოზი: ფილტვების ქრონიკული დაავადება და ფიბროზი. ამ დიაგნოზით 3 კვირა ერეკლე იწვა თბილისის რეანიმაციაში. თუმცა გამომდინარე იქიდან რომ საქართველოში არ ხდება ზუსტად მკურნალობა, ერეკლე გადაიყვანეს სტამბულის კლინიკაში.

ნათია აფციაური / ერეკლეს დედა: "3
კვირაა აქ ვართ. მკურნალობა დაწყებულია ანტიბიოტიკებით, ძვლების წამლებით, ვენური კვების, ფილტვის წამლებით და მრავალი სხვა გზით. მაგრამ 3 დღის წინ ერეკლეს მთავარი კათეტერი მწყობრიდან გამოვიდა და დაიგეგმა მისი შეცვლის ოპერაცია.
ოპერაციის წინა ღამეს ერეკლეს მდგომარეობა დამძიმდა, კათეტერიდან წავიდა სეფსისი, აეწია სიცხე, პულსი, წნევა...
კათეტერის შეცვლის ოპერაციამ გართულებების გარეშე ჩაიარა, მაგრამ 48 საათი ჯერ არ გასულა და ერეკლე დამაძინებლის ქვეშ, მართვით სუნთქვაზეა.

მისი ფილტვების ფიბროზის გათვალისწინებით, არ ვიცით როგორ გადაიტანს ამ ყველაფერს. როგორ შეძლებს თავისით სუნთქვას, როდის დაძლევს უკვე მეორე სეფსის, როდის იქნება კარგად....ძნელი სათქმელია...

რეანიმაციაში 1 ღამეში 2000$ ვიხდით, ჯანდაცვის 10,000$ , მერიის 3,600$ და ხალხის მოგროვებული თანხა - მათ შორის WeHelp-ის დახმარებით (ჯამში 40,000$ იყო) უკვე მალე გვეწურება, არ ვიცით რამდენ ხანს დასჭირდება ერეკლეს რეანიმაციაში წოლა. მაგრამ 3 კვირაა რაც აქ ვართ და ახლა მისი მდგომარეობა იმაზე უფრო რთულია ვიდრე თავიდან იყო.
გთხოვთ დაგვეხმაროთ ჩვენი ერთადერთიძალიან მებრძოლი ბიჭის სიცოცხლის შენარჩუნებაშითითოეული ლარს აქვს მნიშვნელობა და მე ვიცი რომ ყველაფერს შევძლებთ"

თქვენ შეგიძლიათ დაეხმაროთ ერეკლეს საიტზე გადარიცხვით.

ასევე გახსნილი გვაქვს საქველმოქმედო სატელეფონო ნომერი:

დახმარება ბილაინის და ჯეოსელის აბონენტებისთვის: 0901700177


ასევე შეგიძლიათ გადარიცხოთ ბანკით.

მიმღები ბანკი: სააქციო საზოგადოება "საქართველოს ბანკი" ბანკის კოდი: BAGAGE22; 
გაგარინის ქ.29ა, თბილისი 0160, საქართველო. 
მიმღების დასახელება: ააიპ We Help(ვი ჰელფ) 
მიმღების ანგარიშის ნომერი: GE56BG0000000352481700 

დანიშნულება: ერეკლესთვის

ერეკლე დანელია
ასაკი:
2
ადგილმბდებარეობა:
თბილისი
დიაგნოზი:
მოკლე ნაწლავის სინდრომი, ფილტვის ფიბროზი
ესაჭიროება:
მკურნალობა ფილტვებზე, ძვლებზე, შესაძლოა ოპერაცია ნაწლავზე და პოსტოპერაციული რეაბილიტაცია
თანხა:
160000
არსებული:
0
საჭირო:
160000
2 %
2565
გადახდა
126 პროექტი 3722 მომხმარებელი 558 757.86 გადარიცხული თანხა