Youtube Social
ალბათ ყველას გახსოვთ ლევანის ისტორია (იხილეთ ლინკი):
http://wehelp.ge/view/content.php?id=88

ლევანი 5 წლის განმავლობაში ებრძვის დაავადებას.

ჩვენ გთავაზობთ ლევანის მიმართვას უცვლელად:

"Levan Chikhradze :
ჩამოვედი მეგობრებო თურქეთიდან ვისაც გაინტერესებთ, 2 კვირიანი წვალების ტკივილის და გამოკვლევების შემდეგ სამწუხაროდ (და როგორც მოსალოდნელი იყო ადრე თუ გვიან) ძალიან ცუდი პროგნოზი დამისვეს, ანუ ოპერაციას აღარ ვექვემდებარები და ზუსტად არ ვიცი რამდენი, მაგრამ არც ისე ბევრი მაქ დარჩენილი ამ ქვეყანაზე ყოფნა smile emoticon საერთოდ არ მიყვარს ჩემი პირადი თემების აფიშირება და მითუმეტეს ფეისბუქზე წერა, მაგრამ თითქმის სულ ახლობლებიღა დავიტოვე ფრენდებში ასე რომ ბარემ აქ დავწერ ყველას რომ არ ვწერო სათითაოდ. როგორც ზემოთ დავწერე ეს ამბავი მოსალოდნელი იყო ადრე თუ გვიან, ლოგიკურად 5 წლის განმავლობაში 9 ურთულესი ოპერაციის მერე როდესაც ყოველი შემდგომზე სიტუაცია უარესდება, რაც არ უნდა ოპტიმისტი იყო მაინც მოგიწევს გაანალიზება თუ რას გიმზადებს მომავალი. ეს ამბავი ალბათ ბოლომდე ისევ არ მაქვს გაანალიზებული, ისევ გუშინდელივით მახსოვს როგორ დავდიოდი, დავრბოდი 5 წლის წინ და წარმოდგენაც არ მქონდა თუ რა ჯოჯოხეთის გამოვლა მომიწევდა, სიკვდილი დიდად არ მაშინებდა არასდროს და მითუმეტეს რაც დავფიქრდი და გავაანალიზე ამ ამბების მერე მით უფრო ნაკლებად მაშინებს ეს ამბავი, რაც მაშინებდა ბავშვობიდან ეს იყო ტკივილი, ყველა ადამიანის ტკივილის განცდა ინდივიდუალურია და მე რატომღაც ყოველთვის პატარა ჭრილობასაც და დაზიანებასაც კი განსაკუთრებით სირთულით ვიტანდი პატარაობიდან. ამ 5 წელში ისეთი და იმდენი ტკივილის გადატანა მომიხდა ვერც კი ავხსნი, არც კი მეგონა ასეთი ძლიერი ტკივილის გადატანა თუ შეეძლო ადამიანს, მითუმეტეს მე, მაგრამ როგორც ჩანს სანამ საკუთარ თავზე არ გამოცდი ამ ყველაფერს მანამდე არ იცი ადამიანმა რისი გაძლება და გადატანა შეგიძლია, და ჩემ და გასაკვირად ამ ჯოჯოხეთის მიუხედავად ძალიან "გამძლე" გამოვედქი, ჩემი მეგობრები დამეთანხმებიან. მოკლედ ბევრი რომ აღარ ვწერო და პირდაპირ იმ სათქმელზე გადავიდე რისთვისაც დავიწყე ამ წერილის წერა, ვიტყვი რომ რისიც მეშინოდა ყველაზე მეტად ის მოხდა მუდმივ ტკივილებში მიწევს ყოფნა და მომიწევს სიცოცხლის ბოლომდე, მაგრამ ამ ყველაფერს ჩემი მეგობრების ხათრით ვუძლებდი ამდენი ხანი და გავუძლებ რამდენი ხანიც საჭიროა კიდევ. არ მიყვარს ბანალური განცხადებები, მაგრამ რასაც გულით ვფიქრობ უნდა დავწერო, არ ვიცნობ ადამიანს ვისაც ჩემზე ერთგული და მოსიყვარულე მეგობრები ყავდეს, ჩემმა მეგობრებმა რაც გამიკეთეს ამ 5 წლის განმავლობაში, სულ გვერდით, მედგნენ, თანხების ამოწურვის შემდეგ მომიწყეს ორგანიზება უამრავი ღონისძიების, დაუღალავად მართავდნენ საქველმოქმედო კონცერტებს, გამოფენა/გაყიდვებს, სხვადასხვა "ივენთებს" და პირდაპირ შეიძლება ითქვას რომ რამდენჯერმე შემინარჩუნეს სიცოცხლე და რაც მთავარია მათი დამსახურებაა ჩემი ასე მხნედ ყოფნა ასეთ მდგომარეობაშიც კი, ასე რომ ჩემ უახლოეს მეგობრებს არც ჭირდებათ თქმა, მაგრამ ყველას ვინც კი ოდნავით მაინც დამეხმარა ამ დროის განმავლობაში, რა სახისაც არ უნდა ყოფილიყო ეს დახმარება და თანადგომა, მინდა ძალიან დიდი მადლობა გადაგიხადოთ და გითხრათ, რომ თითოეულ თბილ სიტყვას და ოდნავ გვერდში დგომასაც კი გადამწყვეტი მნიშვნელობა შეიძლება ქონდეს ადამიანისთვის, ამას ეხლა მივხვდი როდესაც საკუთარ თავზე გამოვცადე ეს ყველაფერი, მანამდე ვფიქრობდი, რომ თუნდაც ჩემი ჩარიცხული 1 ლარი და ჩემი გასამხნევებელი სიტყვა არაფერს არ წყვეტდა, მაგრამ ძალიან ვცდებოდი, ამ პატარ პატარა სიყვარულის და სითბოს ერთობა მთლიანობაში იწვევს ძალიან დიდ პოზიტიურ ენერგიას რომელიც მე საკუთარ თავზე გამოვცადე და ძალიან დამეხმარა. ასე რომ დავუდგეთ მეგობრებო ერთმანეთს გვერდში, გვიყვარდეს ერთმანეთი და ვეცადოთ პატარ პატარა ბედნიერება და სიხარული ვაჩუქოთ ერთმანეთს რითიც სხვასაც და ჩვენ თავსაც გავუთბობთ გულებს. მოკლედ კიდევ ერთხელ ძალიან დიდი მადლობა ყველას ვისაც ჩემზე გული შესტკივა და გვერდში მიდგას, თქვენს გამო ვცხოვრობ პირადად მე (სიცხე მაქ და ალბათ ძალიან გაურკვევლად მიწერია ყველაფერი, მაგრამ არაუშავს სათქმელს გაიგებთ)"
ლევან ჩიხრაძის მიმართვა:
სხვა სიახლეები
გიორგი ყანჩაველი WeHelp გამოწვევა ახალგაზრდული ინოვაციების ცენტრის დირექტორის საქველმოქმედო გამოწვევა
ითამაშე და გადაარჩინე სიცოცხლე რა? სად? როდის? - საქველმოქმედო თამაში.
ალასანიამ აპატურაის გამოწვევა მიიღო „გამოწვევა მიღებულია, გაგრძელება იქნება“, - წერს ალასანია.
Alter.ge - ახალი პარტნიორი ინოვაციურ საქველმოქმედო ფონდ WeHelp.ge–ს მზარდ მხარდამჭერთა რიცხვს Alter.ge შეემატა
კიდევ ერთი წარმატება !!! მიხეილ ჭელიძე მიხეილ ჭელიძემ გაიკეთა კატარაქტის ოპერცია და ის თავს კარგად გრძნობს
სტეფანე მღებრიშვილი WeHelp გამოწვევა მომღერალი და პროდიუსერის სტეფანეს საქველმოქმედო გამოწვევა
122 პროექტი 3700 მომხმარებელი 525 922.86 გადარიცხული თანხა