Youtube Social
ნინო ჭიღიტაშვილს (http://wehelp.ge/view/content.php?id=143)  ესაჭიროებოდა თანხა და ჩვენი დახმარება რათა, ქიმიოთერაპიის კურსები გაეგრძელებინა და შეეძინა საჭირო მედიკამენტები.

მისთვის საჭირო თანხა 900 ლარი, სულ რაღაც 1 დღეში შეგროვდა! და უკვე გადაერიცხა ბენეფიციარს. (იხილეთ მიმაგრებული ფაილი)

ამ თანხით ქალბატონი ნინო შეძლებს 4 ქიმიოთერაპიის კურსის გავლას და მედიკამენტების შეძენას რომელიც აუცილებელია მისი ჯანმრთელობისთვის.

ნინო ჭიღიტაშვილი:

"მოგესალმებით  WE HELP!
ხალხო, ღვთისნიერო ადამიანებო!
მე ნამდვილად არ მეგონა, რომ ასეთი რამ იყო შესაძლებელი, რომ ეს ყველაფერი ნამდვილად შეიძლებოდა მომხდარიყო, მონაცემები ჩემი ავადმყოფობის და გაჭირვების შესახებ ცდა ბედის მონახევრეობის პრინციპით გამოვგზავნე და წარმოიდგინეთ, როგორი ძლიერი იყო ჩემი განცვიფრება, როდესაც 2 დღეში დამირეკეთ და მამცნეთ, რომ კეთილმა ადამიანებმა გამოიჩინეს გულმოწყალება დ ჩემს დასახმარებლად გაიღეს თავიანთი თანხები. სიტყვები არ მყოფნის  ბედნიერებისგან, ჩემო კეთილო, ქველმოქმედო დებო და ძმებო, უფალი გფარავდეთ,  მე ყოველთვის მოგიხსენიებთ ჩემს ლოცვებში და შევევედრები მამაზეციერს,სიკეთე და იღბალი არ მოგაკლოთ ცხოვრებაში, რათა ყოველთვის შეძლოთ, აკეთოთ ის მადლიანი საქმე, რასაც ქველმოქმედება, გულმოწყალება, უბრალოდ სიკეთის კეთება ჰქვია.თქვენ თქვენი სათნოებით და გაჭირვებულის  თანადგომით ჩემი იმედი,რომელიც უკვე სულს ღაფავდა, თავის ადგილზე დააბრუნეთ და უფრო მეტად აღმავსეთ სიცოცხლისათვის ბრძოლის ჟინით.
                                                           
                                                                                                                                                                             პატივისცემის და მადლიერების უდიდესი გრძნობით ნინო ჭიღიტაშვილი"


105 პროექტი 3640 მომხმარებელი 489 541.19 გადარიცხული თანხა