Youtube Social

Wehelp.ge საქველმოქმედო პლატფორმაა, რომელიც განსაკუთრებით მძიმე ავადმყოფობით დაავადებულ ბენეფიციარებს ეხმარება. ფონდი უკვე წელიწადზე მეტია, რაც არსებობს,  თუმცა ქართველი მოსახლეობის უმეტესობამ ორგანიზაციის შესახებ  მაშინ შეიტყო ,როდესაც საქველმოქმედო Youtube– მარათონს  - „ყინულიანი წყლის გამოწვევევას“ ფონდის დამფუძნებელი, ბორის კიკნაძე და IdeaGroup–ის დამფუძნებელი, ლევან პაიჭაძე შეუერთდნენ.

საქართველოში ვიდეომარათონი 18 აგვისტოს დაიწყო და დღემდე  ორგანიზაციაში ჩარიცხული თანხის რაოდენობამ  – 200 000 ლარი შეადგინა.  რით განხვავდება საქველმოქმედო ფონდი wehelp.ge  სხვა ფონდებისგან და რა ინოვაციური სიახლეები იგეგმება მომავალში. ამ საკითხებზე „თბილისი თაიმსთან“  ფონდის დამფუძნებელმა, ბორის კიკნაძემ ისაუბრა.

10656377_832041233493821_2109102824_n

  • როდის და ვის მიერ  დაარსდა ფონდი  „wehelp.ge”  და ვინ არიან ფონდის სპონსორები?

WeHelp-ი დაარსდა 2013 წლის სექტემბერში, სწორედ მაშინ ჩაეშვა საიტი. განთავსებული იყო პირველი ბენეფიციარი და მოხდა პროექტის პრეზენტაცია კრწანისის რეზიდენციაში. ფონდი დავარსე, მე  ბორის კიკნაძემ და თანადამფუძნებლები იყვნენ უჩა მაისურაძე და დავით ხოსროშვილი. პროექტის შექმნაში სპონსორები არ მონაწილეობდნენ და მთლიანი დანახარჯები დამფუძნებლებმა თავად დავფარეთ. ჩვენ ჩავთვალეთ, რომ საჭირო იყო ეს სტარტაპი ჩვენი სახსრებით გაგვენვითარებინა, არც გრანტი მიგვიღია და არც დაფინანსება რომელიმე კომპანიიდან. ჩვენი სპონსორები ისევ და ისევ ჩვენი მომხმარებლები არიან, ისინი გვირიცხავენ თანხას იმისთვის რომ ჩვენ ვიარსებოთ. თუკი მომხმარებელს უნდა, რომ არამხოლოდ კონკრეტულ ბენეფიციარს დაეხმაროს არამედ ფონდის საქმიანობასაც და მის განვითარებას ის აკეთებს შემოწირულობას.

  • მოქალაქეების  შემოწირულობის გარდა, თუ მიუღია ფონდს, რაიმე სხვა სახის დახმარება?

დიახ, რაღაც დროის შემდეგ  „საქპატენტის IT Incubator“  კონკურსში გავიმარჯვეთ და მათგან მივიღეთ დახმარება, ოფისის და ინვენტარის მხრივ, რისთვისაც საქპატენტს მადლობას ვუხდით. თუმცა უშუალო ფინანსური დახმარება კვლავაც არ გვაქვს, ამ ხნის განმავლობაში ფინანსური დანახარჯების გარეშე ვმუშაობდით და ვცდილობდით ჩვენი რესურსი ამ საქმეში უანგაროდ ჩაგვედო. ვიმედოვნებთ რომ, ახლო მომავალში კომპანიები და ორგანიზაციებიც ჩაერთვებიან, გაიზრდება კორპორატიული სოციალური პასუხისმგებლობის დონე და ერთად ვითანამშრომლებთ, რადგანაც იმისთვის რომ გავაგრძელოთ საქმიანობა ახლა უკვე ფინანსური თვალსაზრისით უშუალო მხარდაჭერა გვჭირდება .

  •  რა არის ფონდის ძირითადი მიზანი და მისია?

 ფონდის მისიაა გადაარჩინოს ადამიანების სიცოცხლე. WeHelp-ი აკავშირებს ბენეფიციარებს , ვისაც ესაჭიროებათ სამედიცინო დახმარება: ოპერაცია, მკურნალობა – საზოგადოების ფართო მასებთან. ჩვენი მიზანი იყო გამოგვესწორებინა ხარვეზები ქველმოქმედებაში და აემაღლებინა ფილანტროპიის დონე საქართველოში. გვსურდა გაგვემარტივებინა შემოწირულობა, გაგვეხადა საქმიანობა გამჭვირვალე, გაგვეზარდა სანდოობა,  გამოგვეყენებინა ახალი ტექნოლოგიები და ინოვაციურად მივდგომოდით ამ საკითს, რაც ნამდვილად შევძელით.

  •  იღებთ თუ არა სახელმწიფოს მხრიდან, რაიმე სახის დახმარებას?

სახელმწიფოს მხრიდან არანაირ დახმარებას არ ვიღებთ. სამწუხაროდ,  პირიქით, საქართველოს კონსტიტუციის თანახმად თუკი ჩვენ ბენეფიციარს ვურიცხავთ 1 000 ლარზე მეტს 1 წლის განმავლობაში, მაშინ ჩვენ ვიბეგრებით 20%-ით, რაც ადამიანური თვალსაზრისით არასწორია, რადგანაც ჩვენ ვცდილობთ გადავარჩინოთ ადამიანების სიცოცხლე და ის თანხა, რაც უნდა მოხმარდეს კონკრეტულ ბენეფიციარს მცირდება. ჩვენ ვთვლით, რომ სახელმწიფოს მხრიდან უნდა მოხდეს საგადასახადო კოდექსის რეგულირება და დახვეწა,  ასევე უნდა დაიხვეწოს კონსტიტუციის ის მუხლი, რომელიც ეხება საქველმოქმედო საქმიანობას საქართველოში. სწორედ ეს იქნება საუკეთესო დახმარება სახელმწიფოს მხირდან. ჩვენ მზად ვართ ვითანამშრომლოთ და გვჯერა, რომ ერთობლივი ძალისხმევით უფრო მეტ ადამიანს დავეხმარებით და გადავარჩენთ.

  • მოსახლეობა ეჭვისთვალით უყურებს მსგავს საქველმოქმედო აქციებს, უნდობლობას ხშირად  დასახმარებლად გახნილი ანგარიშის მფლობელის ვინაობა იწვევს, რამდენად სანდოა ამ მხრივ ფონდი “wehelp.ge”?

 როგორც უკვე ავღნიშნე, სწორედ ეს იყო ერთ-ერთი ხარვეზი ჩვენს რეალობაში. მე როგორც ქველმოქმედმა არ ვიცოდი, თუ ვის ვეხმარებოდი, სად მიდიოდა ჩემ მიერ შეწირული თანხა, და რამდენი იყო შეგროვებული ან დარჩენილი. WeHelp-მა მოახერხა ამ ყოველივეს შეცვლა. ამჟამად თითოეული ადამიანს შეუძლია შევიდეს ვებ-გვერდზე WeHelp.ge,  ნახოს სხვადასხვა ბენეფიციარი, წაიკითხოს მათი ისტორია, დაათვალიეროს ფოტოსურათები, გაეცნოს ფინანსურ და სამედიცინო დოკუმენტაციას, ასევე იხილოს ვიდეო სიუჟეტი და შემდგომ თავად გადაწყვიტოს თუ ვის და რამდენით დაეხმარება.ელექტრონული ბარათით გადარიცხვისას საიტზე მომენტალურად, ავტომატურად აისახება ის თანხა, და ჩანს თუ რამდენი არის შეგროვებული და დარჩენილი.

თუმცა ამაზე არ შევჩერდით, ჩვენ ასევე ვასაჯაროებთ ჩვენს მიერ განხორციელებულ ფინანსურ ტრანზაქციებს და ყველას შეუძლია იხილოს ინვოისები, რათა დარწმუნდეს საქმიანობის სისწორეში, ასევე ოპერაციის შემდგომ კვლავ მივდივართ ჩვენს ბენეფიციართან და ვიღებთ ვიდეოს,  რათა მომხმარებელმა თავისი შემოწირულობის  შედეგი იხილოს.

  • თუ შეგიძლიათ, რომ დაგვისახელოთ ზუსტი რიცხი პროექტების, მომხარებლისა და გადარიცხული თანხის რაოდენობის შესახებ?

მას შემდეგ , რაც WeHelp-ი დავაფუძნეთ:  28 პროექტი  (ბენეფიციარის ისტორია) იყო განთავსებული ვებ-გვერდზე, გადარიცხული თანხა შეადგენს 240 000 ლარს, საიტზე დარეგისტრირებულია 2 900 მომხმარებელი, ჩვენ გვყავს 127 000 –ზე მეტი უნიკალური ვიზიტორი და 12 000-ზე მეტი აქტიური ფეისბუქ მომხმარებელი.

  • გაქვთ თუ არა სამომავლოდ გეგმები და ხომ არ გეგმავთ სხვა ინოვაციური პროექტებს?

მე და ჩემი გუნდი ყოველთვის ვცდილობთ სიახლეების დანარგვას და შეთავაზებას, ამიტომაც ამ მიმართულებით მუშაობა სამომავლოდაც გაგრძელდება. ზოგიერთი იდეის განცხორციელებისთვის ფინანსური სახსრებია საჭირო და ამიტომ თავდაპირველად თანხის მოზიდვაზე ვმუშაობთ, თუმცა ასევე პარალელურად უკვე ახლო მომავალში განვახორციელებთ სხვადასხვა პროექტებს, მაგალითად: საქველმოქმედო მარათონს საერთაშორისო სავაჭრო პალატასთან ერთად, საქვლემოქმედო კონცერტს ფილარმონიაში, ქუჩის ივენთებს და მრავალი სხვა.

  •  რა არის თქვენთვის ქველმოქმედება?

მე და ჩემი გუნდი ვცხოვრობთ დევიზით: თუ შენ სხვა ადამიანების ცხოვრებას უკეთესობისკენ არ ცვლი, მაშინ შენ უაზროდ კარგავ დროს. ქველმოქმედება ჩვენთვის ცხოვრების განუყოფელი ნაწილია, არ არის აუცილებელი ეს ყოველივე მხოლოდ ფულად დახმარებაზე აისახოს. ადამიანს გააჩნია საკუთარი რესურსები, რომელიც სასიკეთოდ შეუძლია გამოიყენოს და პოზიტიური ცვლილებები განახორციელოს სამყაროში.

03.09.14

ნათია კეკენაძე

"რას წარმოადგენს კომპანია wehelp.ge":
თარიღი:
03.09.2014
ადგილმბდებარეობა:
თბილისი
სხვა სიახლეები
ქრონიკა WeHelp გამოწვევა ქრონიკის წამყვანის ლევან ჯავახიშვილის საქველმოქმედო გამოწვევა
სამწუხარო ცნობა გარდაცვალების შესახებ პატარა გიორგი ჯიშკარიანი გუშინ 13 ივლისს გარდაიცვალა
WeHelp ინგლისურადაც იფუნქციონირებს ამიერიდან WeHelp –ის საიტი სრულად იფუნქციონირებს ქართულ და ინგლისურ ენებზე.
საქველმოქმედო გარბენი 4ოქტომბერს ჩატარდა საქველმოქმედო გარბენინი ICC YOUTH ის ორგანიზებით რომლის დონორ საქველმოქმედო ფონდსაც წარმოადგენდა WeHelp.ge
ლილუ კუპატაძე სრულიად დაფინანსდა თქვენი დახმარებით ლილუ შეძლებს ოპერაციის გაკეთებას
გიორგი ზღულაძე WeHelp-ის გამოწვევა სილქნეტის ინფორმაციული მართვის დირექტორის პასუხი WeHelp-ის საქველმოქმედო გამოწვევაზე
105 პროექტი 3640 მომხმარებელი 489 541.19 გადარიცხული თანხა